Bibliotecas Municipais

Anuario de Literatura Infantil e Xuvenil 2008

2008-04-15T20:49:00.005+02:00

O Grupo Editorial SM publicou o seu anuario 2008 sobre literatura infantil e xuvenil. A parte dedicada á literatura galega é obra de Xosé A. Neira Cruz cunha perspectiva global sobre a edición en Galicia no pasado ano.
Pódese consultar nesta ligazón.

2 de abril: Dia Internacional do Libro Infantil e Xuvenil

2008-04-02T10:15:00.003+02:00

Desde 1965 o IBBY (Organización Internacional para o Libro Xuvenil) celebra o día 2 de abril como Día Internacional do Libro Infantil e Xuvenil en homenaxe ao escritor Hans Christian Andersen, nacido en Odense (Dinamarca) o 2 de abril de 1805.

Este ano foi Tailandia o país encargado de levar adiante a iniciativa desta data para o que presentaron o seguinte cartaz obra de Chakrabhand Posayakrit (Bangkok, Tailandia, 1943)

Inauguración da Biblioteca Ánxel Casal de Santiago

2008-03-29T12:11:00.004+01:00

O venres 28 de marzo inaugurouse a nova Biblioteca Pública de Santiago. Na inauguración participaron o Alcalde de Santiago, a Conselleira de Cultura, o Ministro de Cultura e o Presidente da Xunta. O acto contou coa participación de Rosa Cedrón que deleitou ao público con algunhas das súas cancións.

A Biblioteca, situada na zona histórica, conta con 4 plantas para o público e 1 de traballo. E vai contar cun sistema novidoso de auto-empréstamo por radiofrecuencia.

O que saiu na prensa:

Ademais a edición local de La Voz de Galicia entrevista a Daniel Buján Director da nova Biblioteca Ánxel Casal de Santiago

A Cultura tradicional circula na rede

2008-03-25T16:39:00.004+01:00

Antonio Reigosa edita unha enciclopedia on-line da fantasía popular galega que foi engadida aos recursos bibliotecarios.

Artigo publicado na sección de Galicia de El País do venres 21 de marzo de 2008.

"Hace ahora tres años que Antonio Reigosa creó el portal www.galiciaencantada.org, un sitio donde volcar las ingentes cantidades de material procedente de la tradición oral fruto de búsquedas literarias, revisiones historiográficas y entrevistas personales (algunas disponibles en la web). Allí aloja cuentos, leyendas e historias vinculadas a un lugar geográfico o mítico, a elementos de la naturaleza, a objetos y a seres reales e imaginarios, organizados en secciones como andel das marabillas, cocos e monstros, a morte o edificios encantados."

Só un erro na url do portal que é o de: www.galiciaencantada.com

Semanas do libro e da lectura : un mar de letras

2008-03-24T18:20:00.006+01:00

O obxectivo deste programa de dinamización é fomentar o interese polo libro e pola lectura por medio de actividades dirixidas ao alumnado dos centros educativos, ao profesorado, aos pais e nais e ao público en xeral. Ademais reparará de maneira especial no Calendario das Letras con actividades extraordinarias nas datas que este salienta.

As Semanas do libro e da lectura teñen o mar como tema deste ano, o mesmo que o Salón do Libro Infantil e Xuvenil de Pontevedra, do que están sendo continuadoras.

As actividades comporanse dun espectáculo para a inauguración e posteriormente de obradoiros de creación literaria, ilustración e animación á lectura dirixidos ao alumnado.

Para os adultos haberá actividades de carácter formativo para o profesorado e contacontos diarios dirixidos para todo tipo de público e actividades para as nais e pais, todo isto co obxectivo de facer destas semanas un encontro participativo, formativo e agradábel.

O calendario das Semanas do libro e da lectura é o seguinte:

Oleiros: 30 de marzo - 5 de abril
Viveiro: 9 - 15 de abril
Carballo: 20 - 26 de abril
Monforte: 4 - 10 de maio
Tui: 18 - 24 de maio
Allariz: 5 - 11 de outubro
O Porriño: 19 - 25 de outubro
Moaña: 9 - 15 de novembro
Noia: 23 - 29 de Novembro
Barbadás: 18 - 24 de xaneiro 2009

Creado o Consello Asesor do Libro

2008-03-14T20:55:00.004+01:00

O consello constituído o 14 de marzo de 2008 ten carácter asesor en materia do libro e da lectura, polo tanto as súas decisións non son vinculantes. Está integrado por quince membros: sete da administración (tres da Consellaría de Cultura, un de Educación, outro de Industria, un da Federación Galega de Municipios e Provincias mais un representante da Secretaría Xeral de Política Lingüística) e oito dos sectores profesionais relacionados co libro (escritores, tradutores, editores, artes gráficas, ilustradores, distribuidores, libreiros e bibliotecarios).

A presidencia correspóndelle á consellaría de Cultura e Deporte, Ánxela Bugallo, e a vicepresidencia ao director xeral de Creación e Difusión Cultural, Luis Bará. Como representante das Bibliotecas encóntrase Mª Luz Corral en representación de ANABAD-Galicia e de AGABEL (Asociación de Bibliotecas Escolares)

Nace o portal Praza das Letras

2008-03-14T20:49:00.002+01:00

Praza das Letras é un proxecto pensado para conter e dinamizar o coñecemento do noso discurso literario, crítico e documental e como fornecedor dun espazo que integre isto coa industria editorial que lle dá soporte.

Botou a andar coa participación e co apoio expreso dos distintos colectivos implicados, desde escritores a traballadores da edición, nun momento favorábel e coincidente coas xuntanzas arredor da Mesa do Libro e co impulso que supuxeron a Lei do libro, o Plan de lectura ou o traballo para o Plan de bibliotecas.

A web Praza das Letras busca xuntar o coñecemento e dinamizar a actividade social, creativa e económica do sector do libro e da lectura. Quere ser a parte visíbel dunha estratexia no mundo real para potenciar, mediante a difusión de contidos, a nosa industria editorial.

Conclusións do informe de Extensión Bibliotecaria

2008-03-13T17:30:00.006+01:00

O Grupo de traballo na Extensión Bibliotecaria ten remato o informe sobre as actividades de animación e culturais realizadas nas bibliotecas municipais.

Este informe recolle os datos recollidos por este grupo entre o 2006 e o 2007 e aporta as conclusións do informe e propostas de acción entre as que se poden destacar:

Profesionalización do perfil profesional do bibliotecario e definición de funcións
Fomentar a formación profesional
Contratación de profesionais especializados na realización de actividades de extensión bibliotecaria
Cursos de formación específica con profesionais especializados na materia, no caso de que os bibliotecarios teñan que realizar este tipo de actividades.
Concienciación políticas dos gastos xerados na biblioteca (préstamos interbibliotecarios...)
Subvencións para o transporte de fondos para os clubes de lectura –creación dalgunha liña de convenio con empresas de mensaxería
Fomento de liñas de acción de extensión bibliotecaria nas actividades máis demandada

Estas actividades deberían ser ofertadas para os diversos colectivos, facendo fincapé na xuventude, adultos e terceira idade (necesidade de fomentar accións interxeracionais)

Neste grupo participaron as seguintes persoas:

Coordenador: Anxo Alberte Gil (Biblioteca de Baiona): 986356878, biblioteca@baiona.org
Mónica Carballo (Biblioteca do Saviñao): 982452324, osavinao@rbgalicia.org
Josefa Fernández Fernández (Biblioteca de Muros): 981762313, pepitaff1990@yahoo.es
Anayansi Expósito Singh (Biblioteca de Rois): 676445811, concelloderois@gmail.com
Sofía Carou Ces (Biblioteca de Rianxo): 981860272, rianxo@rbgalicia.org

A Biblioteca do Congreso dos EUA asóciase con Flickr

2008-03-05T18:55:00.002+01:00

Vieiros publica esta nova. Nos Estados Unidos, a Biblioteca do Congreso, que dispón de doce millóns de imaxes, atopou unha resposta orixinal. En xaneiro, a institución transferiu unha parte das súas imaxes a Flickr, unha web onde millóns de internautas comparten cada día toda clase de imaxes: pícaras, íntimas ou banais.

Ao asociarse coa popular plataforma de almacenamento e intercambio, a Biblioteca do Congreso dos EUA busca paliar a falta de visitas recibidas na súa propia web, que xa conta cun gran número de fotografías.

Pódese seguir a notícia completa na web da Library of Congress.

Formación en biblioteconomía

2008-02-27T17:30:00.002+01:00

A Escola Galega de Administración Pública en colaboración coa Consellaría de Cultura convoca cursos de formación para o persoal da rede de bibliotecas de Galicia

A Consellaría de Cultura e O Concello de Pontevedra promoven cinco Clubs de lectura na cidade

2008-02-25T20:20:00.004+01:00

Clubs de lectura de Pontevedra é unha iniciativa na que a Consellaría de Cultura e Deporte e o Concello de Pontevedra colaboran para a animación á lectura en adultos, cun programa que combina a creación de Clubs de Lectura no entorno urbano, através da Biblioteca Pública, no rural, através das axencias de lectura, e no virtual, através do seu blogue. Colabora tamén na iniciativa a Asociación Máis Libros.

A finalidade da iniciativa é animar a ler en galego e coñecer tanto obras clásicas da literatura galega como as máis recentes novidades do noso panorama editorial. Tamén haberá un espazo para a literatura clásica universal e á narrativa literaria actual de autores estranxeiros traducidos ao galego.

Tradicionalmente, un Club de Lectura é un grupo de persoas que len un libro ao mesmo tempo e que se reúnen periodicamente para comentar o libro. Pero esta iniciativa vai máis alá: busca dinamizar a lectura con actividades coma encontros cos autores, editores e/ou tradutores das obras que se estexan a ler, proxección de filmes relacionados coas temáticas das obras e asistencia a obras de teatro relacionadas coas lecturas. Farase especial fincapé nas obras de autores de Pontevedra.

Búscase converter a lectura nun acto de socialización, de diversión e coñecemento, nun espazo no que achegarnos ás páxinas dun libro sexa cada vez unha nova viaxe en boa compaña.

Da Biblioteca Nodal de Pontevedra depende o club presencial e o club virtual para os máis afeccionados ás novas tecnoloxías, xa que será a través do blogue no que os lectores deixarán os comentarios dos libros lidos e reuniránse na rede unha vez ao mes para comentar a novela seleccionada. Á conversa tamén se unirá, cando sexa posible, o autor/tradutor da obra.

Esta iniciativa busca achegar tamén ao ámbito rural unha nova forma de ler: activa, lúdica e participativa. Así, desenvolveranse tres clubs en:

Axencia de Lectura de Monte Porreiro, no Centro Sociocultural situado na rúa Alemaña
Axencia de Lectura de Santa María de Xeve, na Antiga Casa Consistorial
Na parroquia de Salcedo celebraranse en Cabanas-Salcedo, na sede da Asociación Heroes do Campo da Porta

Espazos para a lectura

2008-02-20T11:17:00.003+01:00

O último número da Revista Fadamorgana (n. 12: inverno 07/08) contén un dossier sobre a animación á lectura. Moi centrado na animación na educación e nas bibliotecas escolares pero do que se poden tirar boas ideas para as bibliotecas.

Artigos:

A lectura na educación secundaria, Agustín Fernández Paz
Facer lectores, Víctor moreno
Lectura e Biblioteca escolar, Xabier Docampo
Hora de ler, Cristina Novoa
A Lectura en rede, María josé Vitorino
O mestre de lectura, José Luís Polanco
A biblioteca escolar e o fomento da lectura, Mariano Coronas
Como dinamizar a biblioteca escolar, Beatriz Osés

Bibliotecas galegas e Internet, publicado no Faro de Vigo

2008-02-18T17:37:00.004+01:00

Hoxe publícase no Faro de Vigo unha nova incidindo na realidade das bibliotecas de Galicia. Aínda nos falta máis que un chisco para poder equiparar a nosa oferta de servizos coa media do resto de España:

http://www.farodevigo.es/secciones/noticia.jsp?pRef=3269_8_201266__SociedadyCultura-cada-cinco-bibliotecas-Galicia-carece-acceso-internet

O INE publica os dados estatísticos do 2006

2008-02-14T16:13:00.002+01:00

O Instituto Nacional de Estadística acaba de publicar os datos correspondentes ao ano 2006. Os galegos visitamos máis as bibliotecas que a media estatal mais levamos menos documentos en empréstamo.

Reunión de Bibliotecarios da Mancomunidade Arousa Norte

2008-02-08T17:42:00.000+01:00

O próximo martes 12 de febreiro vanse reunir en Rianxo os bibliotecarios e bibliotecarias desta mancomunidade.

A reunión ten unha orde de traballo aberta xa que é o primeiro encontro destas características que celebran. Sen embargo entre os temas a tratar figurarán varios dedicados a buscar posibilidades de colaboración entre as bibliotecas que os leven a mellorar conxuntamente os servizos prestados.

Na reunión plantexarán tamén levar as propostas directamente aos seus concellos e á mancomunidade coa finalidade de darlle carácter “oficial” e estable a este e posteriores encontros.

Bibliotecas participantes: Boiro, A Pobra, Rianxo e Ribeira
Data: Martes 12 de Febreiro 2008
Lugar da reunión: BPM "Castelao" de Rianxo
Hora: ás 10 da mañá

Galicia nos últimos postos de lectura

2008-02-08T10:10:00.000+01:00

A prensa do 8 de febreiro de 2008 recolle o último informe da Federación de Gremios de Editores de España no que se recollen os últimos datos do índice de lectura en España. Galicia queda nos últimos postos en canto a índice de lectores, compra de libros e lectura nunha língua oficial diferente ao español.

Informe por comunidades autónomas.

A noticia nalgúns medios de comunicación:
La Voz de Galicia
El Correo Gallego
Faro de Vigo
El País

Salón do Libro de Pontevedra

2008-01-23T09:41:00.000+01:00

O IX Salón do Libro de Pontevedra que se celebrará do 27 de xaneiro ao 2 de febreiro dedica as súas actividades ao Mar.

<<Ímonos mergullar nun mar que ole a todos os salitres do mundo. Nas mareas viaxan letras escritas en todos os idiomas inventados que traen historias fabulosas de pobos submarinos, criaturas con branquias e correntes oceánicas. O mar é a patria dos recordos, a paisaxe da infancia, a banda sonora dunha emoción… e o acubillo dos poetas.>>

O programa realiza actividades con escolas, obradoiros, contacontos, presentación de libros das editoriais e unha bibliografía sobre a temática do salón.

Oposicións corpos especiais da Xunta

2008-01-11T10:56:00.000+01:00

Orde do 28 de decembro de 2007 pola que se convoca proceso selectivo para o ingreso en distintas escalas de Administración especial dos corpos facultativos da Xunta de Galicia.

Sistema de acceso: O proceso de selección será o de concurso – oposición.

		PRAZAS
GR	ESCALA	PRO INTE	ACC LIBR	DIS-CAP	TOTAL	TITULACIÓN ESIXIDA
A	FACULTATIVO DE ARQUIVOS	1	3	1	5	Licenciatura ou equivalente
A	FACULTATIVO DE BIBLIOTECAS	1	1	1	3	Licenciatura ou equivalente
A	FACULTATIVO DE MUSEOS	1	1	0	2	Licenciatura ou equivalente
B	AXUDANTE DE ARQUIVOS	1	1	1	3	Diplomatura ou equivalente
B	AXUDANTE DE BIBLIOTECAS	3	7	1	11	Diplomatura ou equivalente
B	AXUDANTE DE MUSEOS	0	1	0	1	Diplomatura ou equivalente

As prazas sen cubrir das reservadas ao sistema de promoción interna acumularanse ao sistema de acceso libre.

Taxas: grupo A: 39,16 € e grupo B:33,72 €

O prazo para presentar solicitudes rematará o 30 de xaneiro de 2008.

Dog do 10 de xaneiro de 2007:
Grupo A
Grupo B

Bolsas do Consello da Cultura Galega

2008-01-11T10:48:00.000+01:00

Convocatoria pública de 16 bolsas de colaboración en proxectos de investigación que se están a desenvolver no Consello da Cultura Galega e se anuncia a súa convocatoria.seguintes prazas:

Prazas	Colaboración no	Requisito de titulación
2	Centro de Documentación Sociolingüística de Galicia	Licenciado/a en filoloxía galega
2	Arquivo da Emigración Galega	Licenciado/a en xeografía e historia
2	Programa Arquivo de Comunicación	Licenciado/a en xornalismo, publicidade e relacións públicas ou comunicación audiovisual.
2	Programa Arquivo Sonoro de Galicia	Ter estudos específicos de técnica/o de son (grao superior de técnica/o de son-FP ou outra titulación similar)
1	Área de Documentación	Ser Diplomado/a en biblioteconomía e documentación ou licenciado/a en documentación.
1	área de publicacións	Licenciado/a en filoloxía galega
2	área de Xestión Cultural	Licenciado/a en humanidades, ciencias sociais ou ciencias da información
2	Web corporativo do Consello da Cultura Galega	Licenciado/a en xornalismo, publicidade e relacións públicas ou comunicación audiovisual.
1	Área de informes	Licenciado/a en matemáticas, en socioloxía, en psicoloxía ou ciencias económicas.
1	Proxecto Sarmiento	Licenciado/a en filoloxía

Prazo de presentación de solicitudes remata o 21 de xaneiro de 2008.

Dog de 20 de decembro de 2007

A Deputación de Lugo faise eco das conclusións do grupo de Formación

2008-01-09T17:02:00.000+01:00

Representantes do Servizo de Formación da Deputación de Lugo puxéronse en contacto connosco, a finais do ano pasado, para solicitar a nosa colaboración no seu programa de formación para o ano 2008.

Segundo a súa proposta só se pode incluir un único curso de formación polo que, despois de consultar algunhas bibliotecas da provincia, acordouse proporlle o seguinte curso:

Deseño de actividades e programas de animación á lectura

Obxectivos:

Ofrecer coñecementos sobre a metodoloxía para a xestión, control e seguimento de programas de animación
Presentar os principais aspectos que deben considerarse na definición dos programas: obxectivos, alcance, calidade, control de custes...
Programas específicos para os dferentes tipos de usuarios: infantil, xuvenil e adultos: aplicacións prácticas

Lembrámosvos as persoas que forman parte desde Grupo de Traballo;

Coordenadora: María José Vilasánchez Fuciños (Biblioteca de Ortigueira): 981422558, e-mail: ortigueira@rbgalicia.org
Mónica Pérez Armada(Biblioteca de Ortigueira) ortigueira@rbgalicia.org
Rosa Mª Barreiro Novas (Biblioteca de Caldas) bibliodecaldas@terra.es
Mª José Villar Fernández (Biblioteca de Chapela/Redondela) chapela.redondela@rbgalicia.org

Seis meses do blogue das Bibliotecas Municipais

2008-01-09T12:50:00.000+01:00

Desde a última reunión de bibliotecas municipais celebrada o 1 de xullo de 2007 acordouse a realización dun “medio de comunicación” que dera a coñecer o noso traballo e os nosos esforzos a todas os compañeiras e todos os compañeiros das bibliotecas municipais e que, ao mesmo tempo, estivese aberto a todas as persoas interesadas, tanto á cidadanía como a outros profesionais das bibliotecas.

Aínda que realmente comezou a funcionar coa suba de post (noticias) a finais de xullo, xa van alá seis meses desde que foi a data da súa creación.

Con máis ou menos actividade e acerto foi seguindo algunhas cuestións que nos afectan como profesionais. Os post máis visitados son os que fixeron referencia a axudas, subvencións, etc.

Falta moito por mellorar xa que o blogue debería contar cun grupo específico de persoas encargadas do seu mantemento que estivesen ao día da actualidade e cubrisen con información o día a día das bibliotecas. Mais a pesar do moito que queda por mellorar non podemos esquecer que os datos de visitas a este web son moi significativos:

Máis de 3.700 visitas
Máis de 1.000 visitantes únicos
Perto de 8.000 páxinas vistas
Unha media de 2,12 páxinas vistas por cada visitante
O 72% dos visitantes repetiron a súa visita sendo o 28% visitantes que só consultaron unha única vez.

Entre os visitantes de unha única vez temos visitas realizadas desde lugares tan afastados como as Filipinas, Hungría, Corea.... Pero como era de esperar o groso das visitas é realizado desde Galiza e outros lugares do Estado español.

Axudas ano 2007

2008-01-03T10:13:00.000+01:00

Foron publicadas na web da Rede de Bibliotecas de Galicia as axudas correspondentes a:

Bibliotecas no Nadal

2007-12-26T10:54:00.000+01:00

Este ano parece que as noticias sobre bibliotecas cobran importancia durante as datas do nadal.

Aínda que as noticias son moi limitadas, xa que non temos acceso a todo o que se publica no país sobre bibliotecas, cremos que os medios de comunicación utilizan, cada vez máis, noticias "en positivo" sobre os nosos servizos.

Temos que aprender a "utilizar" os medios de comunicación para difundir todo o que realizamos desde as bibliotecas (que non son poucas cousas), e mostrar así unha imaxe positiva sobre as mesmas. Todo aquelo que reverta nunha mellora dos servizos, daranos máis visibilidade diante da cidadanía e das nosas institucións.

Algúns exemplos:

Nova Biblioteca en Arzúa
Incremento de socios na Biblioteca de Oroso
Novo horario na Biblioteca de Ordes

Parabéns polos vosos servizos.

Biblioteca Dixital Mundial

2007-12-14T19:04:00.000+01:00

A World Digital Library fará disponíbel na internet, gratuitamente e de maneira multilingue, documentos de interese para todas as culturas, incluíndo manuscritos, mapas, libros raros, grabacións musicais, filmes, fotografías... e outros documentos significativos. Os obxectivos desta Biblioteca Mundial son promover os coñecimentos interculturais, fornecer de recursos aos educadores, expandir os contidos noutras linguas diferentes ao inglés e de países "non occidentais", e contribuir á investigación.

Este proxecto é promovido pola UNESCO e por bibliotecas de prestixio.

Desde a web do proxecto pode visualizarse este video de presentación.

Novo recurso para literatura infantil e xuvenil

2007-12-14T10:46:00.000+01:00

A Fundación Germán Sánchez Ruipérez acaba de lanzar un dicionario electrónico de autores de literatura infantil e xuvenil.

Recolle máis de 700 referencias de autores de literatura infantil e xuvenil de todo o estado. De cada autor apresenta unha ficha con información bibliográfica e profesional, listaxe de premios recebidos e ligazóns a webs.

Foi engadido este recurso ao directorio de recursos do noso blogue.

Que é un blogue?

2007-12-14T10:33:00.000+01:00

Explicación de modo sinxelo neste video:

Programa Rede Cultural da Deputación da Coruña 2008

2007-12-13T11:00:00.000+01:00

O BOP do 12 de decembro de 2007 recolle a convocatoria para a participación na programación da Rede cultural da Deputación para o ano 2008. Indícanse as actividades culturais que poderán solicitar os concellos da provincia nas categorías profesionais e non profesionais de música, danza, teatro e outras actividades.

As actuacións a solicitar serán diferentes dependendo do número de habitantes dos concellos establecéndose o límite en maiores e menores de 20.000 habitantes.

A Deputación subvencionará un 70% do custe das actuación correndo o resto a cargo dos concellos.

O Ministerio de Cultura non inaugurará a nova biblioteca de Santiago

2007-12-11T09:45:00.000+01:00

O Ministerio de Cultura ten decidido non realizar nengún acto de inauguración nen entrega da Biblioteca Pública do Estado debido a que a instalación carece de equipamento. Coincidindo coa presenza do ministro César Antonio Molina en Santiago con motivo da Conferencia Sectorial de Cultura, apuntárase a posibilidade de celebrar un acto inaugural da nova biblioteca, a pesar de que non podería abrirse ao público até estar dotada de equipamento interior.

Máis información en La Voz de Galicia do 11/12/07, edición de Santiago.

Perfil Profesional: entrevista na Radio Galega

2007-12-06T19:23:00.000+01:00

Entrevista a José Luís Alonso, coordenador do Grupo de Perfil Profesional das Bibliotecas Municipais no programa Diario Cultural da Radio Galega o 5 de decembro de 2007.

Pódese intentar reproducir desde esta ligazón ou desde esta outra (esta última necesita ter instalado o QuickTime de Apple).

Noticia n´A Nosa Terra dixital sobre a nova biblioteca de Santiago

2007-12-06T15:13:00.000+01:00

Reprodución de parte do artigo publicado na versión dixital deste xornal:

Segundo a información recompilada por Europa Press, a construción do edificio da nova biblioteca conta cun presuposto de 7,11 millóns de euros e a obra entrégase este mes, aínda que a entrada en funcionamento non se producirá ata "o primeiro trimestre de 2008", unha vez que se fagan todos os traballos necesarios para o funcionamento pleno do servizo, sobre todo no referido a empréstito.

O edificio, situado na Avenida de Xoán XXIII nun solar de 4.104 metros cadrados que foi cedido polo Concello de Santiago, é titularidad do Ministerio de Cultura e vínculase coa Rede de Bibliotecas Públicas do Estado --composta por 52 centros dependentes da Dirección General de Libro, Archivos y Bibliotecas--; pero as 37 persoas que integran o equipo e a dotación de fondos, así como a propia xestión do centro corresponderá á Consellería de Cultura.

As previsións son que a nova Biblioteca Pública de Santiago de Compostela conclúa este mes de decembro ou a principios de xaneiro a instalación de mobiliario e equipamento informático --este é proporcionado polo Ministerio de Cultura--. Este centro contará con rede Wifi, aínda que están por definir as condicións de acceso dos usuarios a este servizo; e haberá sesenta postos de ordenador dispoñibles para os usuarios. Tamén está previsto o acceso vía internet por un portal a publicacións e recursos on-line de todo tipo.

Pode consultarse o artigo completo nesta ligazón.

A Deputación da Coruña faise eco das conclusións do grupo de Formación

2007-12-05T16:43:00.000+01:00

A Deputación da Coruña recolleu as conclusións do Grupo de Traballo de Formación das bibliotecas municipais nas que se facía unha proposta concreta de cursos de formación demandados polos traballadores e traballadoras das bibliotecas municipais galegas.

O Servizo de Formación da Deputación púxose en contacto connosco para incluir na súa proposta de formación para o ano 2008 algúns dos cursos demandados. Por desgraza eles mesmos recoñeceron que a súa institución non pode atender nunha única convocatoria toda a demanda xa que os seus cursos van orientados a todos os traballadores da administración local e non só aos concellos.

Devido a isto solicitáronnos que de todos os cursos demandados por nós se escolleran un máximo de 3 para incluir na súa proposta formativa.

Os cursos escollidos desde o grupo de traballo son os que indicamos a continuación:

Técnicas de marketing aplicadas a bibliotecas municipais
Obxectivos:

Presentar os métodos máis usuais de traballo e as principais estratexias na área do marketing de bibliotecas, tanto da difusión como do deseño de servizos ou produtos.
Proporcionar elementos para planificar e deseñar campañas de marketing nas bibliotecas.
Analizar a utilización das tecnoloxías da información como medio de marketing, comunicación e información.

Utilización e aplicacións de recursos en Internet para bibliotecas municipais
Obxectivos:

Observar o impacto de Internet nas Bibliotecas e os servizos de información.
Coñecer instrumentos de recuperación de información en Internet: os buscadores, fontes de información, recuperación de información profesional.
Ver recursos de información de interese para bibliotecas.

Deseño de actividades e programas de animación á lectura
Obxectivos:

Ofrecer coñecementos sobre a metodoloxía para a xestión, control e seguimento de programas de animación
Presentar os principais aspectos que deben considerarse na definición dos programas: obxectivos, alcance, calidade, control de custes...
Programas específicos para os dferentes tipos de usuarios: infantil, xuvenil e adultos: aplicacións prácticas

Lembrámosvos as persoas que forman parte desde Grupo de Traballo;

Coordenadora: María José Vilasánchez Fuciños (Biblioteca de Ortigueira): 981422558, e-mail: ortigueira@rbgalicia.org
Mónica Pérez Armada(Biblioteca de Ortigueira) ortigueira@rbgalicia.org
Rosa Mª Barreiro Novas (Biblioteca de Caldas) bibliodecaldas@terra.es
Mª José Villar Fernández (Biblioteca de Chapela/Redondela) chapela.redondela@rbgalicia.org

Reunión de Bibliotecas da provincia de Ourense

2007-12-05T16:40:00.000+01:00

As compañeiras que forman parte do grupo de traballo de Difusión e Colaboración coas Bibliotecas organizaron para este venres 7 de decembro unha reunión na Casa da Cultura do Concello de Barbadás.

Esta reunión terá lugar ás 10h. e a ela están convocadas todas as bibliotecas da provincia que desexen ou podan asistir.

Este Grupo de traballo foi creado na última reunión de Bibliotecas municipais celebrado o pasado 1 de xullo e forman parte do grupo: Sonia da Biblioteca de Fene e Mónica da biblioteca do Saviñao.

A finalidade deste grupo é coñecer a realidade da situación das bibliotecas e apoiar ás mesmas facilitándolles o acceso á información dos grupos de traballo, información e formación básica, etc.

Podedes asistir a esta reunión ou poñervos en contacto con estas dúas compañeiras:
Sonia Iglesias: fene@rbgalicia.org, biblioteca@fene.org, tel: 981342302
Mónica Carballo: osavinao@rbgalicia.org, tel: 982452324

O Perfil Profesional na Radio

2007-12-05T12:44:00.000+01:00

José Luís da Biblioteca de Arteixo, coordenador do grupo de traballo de Perfil Prefesional, participará en varias entrevistas na Radio con motivo da publicación das conclusións deste grupo de traballo na que se recollen aspectos relativos aos traballadores e traballadoras das bibliotecas municipais.

Día 5 de decembro ás 15:15h. no programa DIARIO CULTURAL da Radio Galega.
Día 6 de Decembro ás 13:30h. no programa GALICIA EN LA ONDA de Onda Cero.

Informe do Grupo de Traballo sobre Perfil Profesional

2007-11-26T18:36:00.000+01:00

O grupo de traballo sobre perfil profesional acaba de redactar as conclusións do seu informe. Podédelas ver neste enlace.

Bolsas do Ministerio de Cultura 2008

2007-11-21T18:25:00.000+01:00

O Ministerio de Cultura convoca 133 novas bolsas de formación e de especialización para novos titulados en materias culturais.
As bolsas pretenden formar especialistas en materias culturais, e desenvolveranse baixo un completo programa teórico-práctico tutorializado.

Duración: 9 meses, cun horario de 5 horas e media diarias, de luns a venres.

Data límite de entrega de solicitudes: 10/12/2007.

As bolsas ofertadas distribúense en:

29 Bolsas de Biblioteconomía e Documentación na Biblioteca Nacional, Dirección Xeral do Libro e outras dependencias do Ministerio de Cultura (Especialidades: Fondo antigo 10 e fondo moderno 19).
29 Bolsas de Arquivística nos arquivos de titularidade estatal ou na sede do Ministerio.
30 Bolsas de Museoloxía nos museos estatais ou na sede do Ministerio.
20 Bolsas de Conservación e Restauración de Bens Culturais no Instituto do Patrimonio Histórico Español.
19 Bolsas de Xestión Cultural nas distintas unidades do Departamento, incluindo a Dirección Xeral de Cooperación e Comunicación Cultural.
6 Bolsas de Artes Plásticas e Fotografía no Colexio de España en París.

A oferta recóllese no Boletín Oficial do Estado do 8 de Novembro: http://www.boe.es/boe/dias/2007/11/08/pdfs/A46044-46092.pdf.

Véxase tamén o tríptico informativo: http://www.mcu.es/becas/docs/BECASTRIPTICO2.pdf

Axudas da Xunta de Galicia para as Bibliotecas Municipais

2007-11-16T16:23:00.000+01:00

Na web da Rede de Bibliotecas de Galicia saen publicadas catro novas modalidades de axudas da Xunta de Galicia para as Bibliotecas Municipais:

- Letras Vivas: para o achegamento ao público da biblioteca de creadores e creadoras de obra escrita en Galicia.

- Bibliotecas Ilustradas: para promover traballos de decoración das bibliotecas por ilustradores galegos.

- Ciclobibliotecas: actividade de animación para achegar o libro e a lectura a zonas non habituais e dun xeito orixinal e diferente; fomentando á súa vez actitudes como o respecto pola natureza (grupo de animación "Papaventos").

- Lendo Espero: programa de animación para achegarlles a lectura e os libros aos rapaces que acoden á consulta nos centros de saúde de Galicia.

- Semanas do libro e a lectura: coordinadas pola AS-PG.

O PRAZO PARA TODAS ESTAS AXUDAS REMATA O DÍA 20 DE NOVEMBRO.

É importante sinalar que, para optar a todas estas axudas, ademáis da aceptación das bases e o formulario electrónico de solicitude, hai que entregar na Xunta unha memoria das actividades realizadas na biblioteca durante o 2007, así como un proxecto de actividades para 2008.

Véxase a información nesta ligazón

II Encuentro Bibliotecas y Municipio

2007-10-29T22:09:00.000+01:00

O Ministerio de Cultura está a organizar o II Encuentro de Bibliotecas Municipales y Muncipio, que vai ter lugar o vindeiro 15 de Novembro, no auditorio do Ministerio de Cultura.
Con dita xuntanza preténdese crear unha vía de contacto entre responsables das políticas culturais dos concellos e os profesionais dos servizos bibliotecarios municipais.

A inscrición é gratuita, ata completar o aforo.

Para máis información, podedes consultar na páxina web do Ministerio de Cultura, ou no enlace:

http://www.mcu.es/bibliotecas/docs/destacados/encuentro.pdf

Premios María Moliner 2007 de Animación á Lectura

2007-10-29T18:25:00.000+01:00

O Ministerio de Cultura concedeu os Premios Maria Moliner 2007 de animación á lectura aos concellos de Sartaguda, Villena y Pravia polos proxectos de animación:

Leer antes de nacer (Villena, Alacante), na modalidade de Animación á Lectura
Biblioteca…a, ante, con, desde, para, por, según, tras los ciudadanos (Pravia, Asturias), na modalidade de Labor Bibliotecario
Dinamización a la lectura en Sartaguda (Navarra), na categoría de integración social

Estes premios, promovidos en colaboración coa Federación Española de Municipios y Provincias (FEMP) e a Fundación Coca-Cola, destacaron ademais con mención espacial os seguintes proxectos de bibliotecas galegas:

Bibliotecas Públicas Municipales de Oleiros, na categoría de animación á lectura
Biblioteca Pública Municipal de Tui, na categoría de labor bibliotecario

Felicitamos a estas bibliotecas polo premio ben merecido.

Cambios no Grupo de Traballo de Selección da Información

2007-10-26T10:35:00.000+02:00

Como sabedes este grupo de traballo foi proposto desde a xunta e nós, como bibliotecas municipais, enviamos tres representantes a este grupo. As persoas que nos representan asumiron encargarse da selección de obras de coñecemento para as idades de infantil e xuvenil.

Entre elas acordaron repartir os números da CDU para facilitar o traballo de selección.

Entre as persoas que formaban parte deste grupo estaba María Lema da Biblioteca de Dumbría. Esta persoa por motivos de traballo na actualidade non pode formar parte do grupo polo pasa a ocupar o seu lugar a seguinte persoa entre as escollidas para formar parte deste grupo.

Esta persoa é Marisol da Biblioteca da Guarda. Desde aquí aproveitamos para animala no seu traballo.

As persoas que forman parte do grupo son:
Maria Soledad Diz da Biblioteca da Guarda
María José Vilasánchez da Biblioteca de Ortigueira
Santiago Eirís da biblioteca de Ames

Podedes ver os datos de contacto destas persoas así como as demais persoas que forman parte dos grupos de traballo a través deste documento.

Web 2.0: dous videos de Michael Wesch

2007-10-26T10:30:00.000+02:00

Michael Wesch é un antropólogo cultural que explora os impactos dos novos medios na interacción humana. Promove e forma parte do Grupo de Traballo sobre Etnografía Dixital que estuda o uso humano das novas tecnoloxías.

Ten presentados varios videos que explican como encontramos, creamos, criticamos e compartimos a información. E plantexa como é a información a que realmente nos encontra a nós.

1) The Machine is Us/ing Us

2) Information R/evolution

Educación y Bibliotecas: Dossier Bibliotecas y web social

2007-10-25T16:06:00.000+02:00

O último número de Educación y Biblioteca dedica o seu dossier á web social ou web 2.0 , entre os artigos destacan o da nosa compañeira, Catuxa Seoane, das Municipais da Coruña, e dúas aportacións desde Galicia das bibliotecas escolares: Cristina Novoa das Bibliotecas Escolares de Galicia e José Antonio Alonso Martín do blogue A Nosa Biblioteca

Como non podía ser doutra maneira, algúns dos artigos deste dossier están disponíbeis desde internet como nos indica Catuxa desde o seu blogue.

Índice:

Las tecnologías de la participación en las bibliotecas(pdf) por Jose Antonio Merlo Vega
¿Web 2.0? ¿web social? ¿qué es eso? por Natalia Arroyo Vázquez
Bibliotecas de Nueva Generación (Bibliotecas 2.0) por Nieves González Fernández-Villavicencio
Softwre social para bibliotecas (pdf) por Dídac Margaix
Web social y educación por Cristian Cabezas
Bibliotecas Escolares de Galicia: tejiendo redes de colaboración a favor de la educación por Cristina Novoa
Una biblioteca escolar 2.0 (pdf) por Jose Antonio Alonso Martin
La web 2.0 en una biblioteca pública (pdf) por Fernando Juárez
Weblogs en bibliotecas ¿y por qué no? La red de blog de las Bibliotecas Municipales de A Coruña (pdf) por Catuxa Seoane García
La web 2.0 más productiva por Marcos Ros García

No día das bibliotecas continúa a campaña contra o empréstimo de pago

2007-10-24T19:46:00.000+02:00

A Plataforma Contra o Empréstimo de pago continúa coa campaña de recollida de un millón de sinaturas contra o canon por empréstamo de libros nas bibliotecas.

Reproducimos a carta da plataforma e adxuntamos o modelo de folla de recollida de sinaturas que nos facilitan desde Anabad-Galicia.

Unha vez recollidas as sinatutras deben enviarse a:
Biblioteca Municipal
C/ Ciudad de Atenas 10
Mejorada del Campo
28840 Madrid

Carta:

Queridos compañeros:

Con motivo del próximo 24 de octubre, Día de la Biblioteca, y reivindicando una vez más su carácter público y gratuito, integrador y dinamizador de culturas, medio de acceso a la información para todos los ciudadanos, os recordamos y animamos a seguir con la campaña de recogida de un millón de firmas contra el canon para el préstamo bibliotecario.

Como sabéis, la obligatoriedad de pagar un canon por préstamo de obras en bibliotecas públicas ha quedado patente en la nueva Ley de la lectura, del libro y de las bibliotecas, lo que supone sin duda un claro perjuicio para nuestros lectores y para las propias bibliotecas y los servicios que prestan. En palabras de Belén Gopegui, es “abrir la puerta de la biblioteca a los lobos”.

Cedro, la sociedad gestora que recauda el canon de los préstamos, no va a perdonar ni un solo céntimo de euro y va a hacer lo imposible por incrementar la cantidad. Lo ha dicho con toda nitidez su presidente en el último n. de la revista Delibros. Nosotros no se lo vamos a poner fácil y vamos a intentar que esos 40 millones de euros de beneficio que ha conseguido Cedro en 2006 (lo dice su Informe Anual, por cierto, sin copyright) no sea a costa de limitar el derecho a la lectura.

Por otro lado, los autores que apoyan esta campaña, pueden hacer constar en sus publicaciones, mediante una nota en la contraportada, su oposición a la aplicación de cualquier gravamen a las bibliotecas por el préstamo de su obra y a que ninguna entidad de gestión de derechos de autor recaude cantidad alguna en su nombre. Ya hay libros publicados que incluyen notas de esta naturaleza que expresan el deseo de los autores del préstamo gratuito, la renuncia al cobro de ningún canon y el rechazo a la recaudación del mismo por parte de ninguna entidad de gestión ni similar.

Tenemos que continuar con la recogida de firmas y os animamos a que hagáis lo propio en vuestros centros y entre todos vuestros conocidos y amigos.

Un cordial saludo

PLATAFORMA CONTRA EL PRÉSTAMO DE PAGO EN BIBLIOTECAS

24 de outubro: Dia das Bibliotecas

2007-10-23T16:06:00.000+02:00

Con motivo desta efeméride facémonos eco dalgúns dos eventos que van ter lugar nas bibliotecas públicas:

Biblioteca de Corcubión:

Decora a Biblioteca: Taller de Debuxo e exposición dos mesmos
Maratón de Xadrez en liña e de mesa
Concurso de Guións cinematográficos
Exposición temática de libros relacionados coas bibliotecas
Clube de lectura Virtual

Bibliotecas Municipais da Coruña:

Sagrada Familia: Batuko Tabanka, luns 22 de outubro ás 19.30 h.
Monte Alto: Serra-lhe aí, martes 23 de outubr ás 19.30 h.
Infantil e Xuvenil: BellonMaceiras, mércores 24 de outubro ás 19.30 h.
Fórum Metropolitano: xoves 25 de outubro Kin García: 20.00 h.

Biblioteca da Deputación da Coruña:

A Biblioteca sae á rúa: mércores 24 de outubro de 12 a 14 e de 19 a 20h., a Biblioteca sae á rúa para informar de todos os seus servizos e das actividades que realiza durante o ano.

Biblioteca de Melide

Xornada de portas abertas de 9 a 21h. con diversas actividades: contacontos, xogos, obra de teatro coa compañía de títeres 3 Globos que representarán O Sapo encantado .

Biblioteca de Ponteareas:

Xornada de portas abertas con visitas guiadas para escolas , asociacións de maiores, asociacións xuvenís, etc. que son realizadas durante toda a semana.
Aproveitan esta data para relanzar as actividades: A Hora do Conto e o Club de lectura para adultos.

Biblioteca de Redondela-Axencia de Lectura de Chapela

Regalo de libros e caramelos o dia 24 entre os asistentes.
Celebración o día 30 co clube de lectura infantil: El pequeño libro que aún no tenía nombre. Emitirase a sión do clube en directo através de Radio Redondela.

Biblioteca do Saviñao:

Obradoiro de marcapáxinas ás 18h.
Presentación do blogue, o catálogo web e os servizos disponíbeis através de internet
Visitas guiadas á biblioteca para asociacións
Sorteo de libros entre os participantes

Biblioteca de Tui:

Sábado 20 de outubro, ás 12,00 h.: Ciclobiblioteca
Exposición "María Mariño, cantiga da costureira poeta". Do 23 de outubro ao 4 de novembro
Contacontos con Soledad Felloza: mércores 24 de outubro ás 18h.

Dejaboo: unha ferramentas web 2.0 util para as bibliotecas

2007-10-22T10:00:00.000+02:00

Dejaboo é unha ferramenta da web social centrada na cultura que permite compartir opinións sobre música, libros e discos. É o lugar onde descubrir novos autores, novos grupos e novas persoas cuxa opinión pode resultar interesante. Fomenta a aparición de comunidades con gostos parecidos, onde todos nos podemos beneficiar das aportacións de persoas con diferentes pontos de vista.

Non coñecemos o caso de ningunha biblioteca que utilice esta rede social para apoiar a súa selección de información sobre obras a adquirir, pero pode ser unha boa idea contar con esta axuda xa que aquí as recensións e críticas son, con frecuencia, inmediatas á publicación das novas obras.

Tamén é interesante o seu uso para os nosos clubes de lectura. As persoas que forman parte dos mesmos poden orientarse aqui para escoller as súas lecturas e tamén poden participar coas súas críticas e opinións contribuíndo a espallar esta rede social.

Preséntase unicamente centrada en España e en castellano pero pode ser interesante coñecer outras ferramentas semellantes que poidan existir noutros países e idiomas.

Anúnciase como en fase de provas permanente e indica para breve a ampliación con comunidades, RSS, axenda, blogues...

Segundo eles mesmos indican en Dejaboo pódese encontrar:
* Reseñas: opinións de cada usuario sobre un determinado produto, que pode ser á súa vez valoradas e comentadas polo resto de usuarios.
* Perfís: cada usuario conta cun espazo no que se definir a ollos dos demais usuarios.
* Contactos: para un usuario, un contacto é outro usuario cuxas opinións son interesantes. Pódese navegar através dos contactos de calquer usuario, descobrindo novas opinións que poden resultar interesantes.
* Marcadores: grazas aos marcadores pódense arquivar as reseñas que se queren ter facilmente localiábeis.
* Dejaboo Live!: servizo de actualización en tempo real cos últimos cambios que aparecen no sistema.

Facédelle unha visita a esta interesante ferramenta!

Posíbel ou probábel

2007-10-19T10:07:00.001+02:00

O Compañeiro Rafael da Biblioteca de Tui envíanos este video-ficción sobre o libro do futuro realizado polo grupo editor francés Editis.

A AGE organiza o IV Simposio O Libro e a Lectura "Libro e mercado"

2007-10-18T11:48:00.000+02:00

A Asociación Galega de Editores organiza o IV Simposio O Libro e a Lectura, que na súa cuarta edición abordará a temática "Libro e mercado". O evento, que conta co respaldo do Centro Español de Derechos Repográficos (CEDRO) e no que colabora o Consello da Cultura Galega, terá lugar os próximos 15 e 16 de novembro en Santiago de Compostela.

É de destacar como nun simposio sobre o libro e a lectura continúa botándose en falta a presenza de representantes das bibliotecas entre os participantes.

Á procura da biblioteca dinámica

2007-10-17T20:18:00.000+02:00

O num. 4 de Praza das letras contén un interesante artigo no que varios profesionais sinalan o rumo que debe tomar a rede de leitura pública, entendendo, neste contexto, a biblioteca pública como modelo principal a desenvolver.

No artigo hai interesantes opinións de compañeiras e compañeiros de profesión. Participan:
- Isabel Blanco: directora da Rede de Bibliotecas Municipais da Coruña e Presidenta de Anabad-Galicia.
- Xesús Rodríguez: director da Biblioteca de Moaña
- Ánxela López: directora da Biblioteca de Melide
- Julia Fernández: directora da Biblioteca de Sober
- Henrique Quintáns: Xefe do Servizo do Libro e Bibliotecas
- Cristina Novoa asesora de bibliotecas escolares da Consellaría de Educación

Neste artigo tamén se anuncia a próxima apertura da Biblioteca Nodal de Santiago nun prazo de seis meses. Agardamos que se cumpra este prazo e que podamos contar en pouco tempo con unha biblioteca que suplante o deficit de leitura pública nunha cidade espello de Galicia. Algo que se leva solicitando moito tempo desde a cidadanía por fin parece tomar forma.

Praza das letras

2007-10-17T18:16:00.000+02:00

No número 4 desta publicación da Consellaría de Cultura e Deportes para a promoción do libro e da lectura correspondente a Outubro de 2007 anúnciase a conversión de Praza das Letras nun portal de información sobre o libro e a lectura. O novo portal estará disponíbel a partir do día 24 de outubro: Día das Bibliotecas.

O web prazadasletras busca “agrupar o coñececemento e dinamizar a actividade social, creativa e económica do sector do libro e da lectura”. Continuará co soporte papel máis terá a súa continuidade nun espazo dixital concebido como punto de documentación e información literaria. Pretende ser un proxecto centralizador de toda a información existente establecendo ligazóns coas principais webs de temática literaria:

- a Biblioteca Virtual Galega promovida pola Universidade da Coruña,
- LG3 do Portal Cultura Galega do Consello da Cultura,
- Bivir da Asociación de Tradutores, e
- Blix promovida por Galix e a Biblioteca Nova 33.

Entre os seus obxectivos está:

Recompilar e facer visíbel a información web existente sobre literatura galega.
Promover a lectura en galego entre a cidadanía
Comunicar a vizosa actividade da nosa literatura
Incentivar a creación escrita
Promover a literatura galega no exterior

Axudas da Xunta

2007-10-16T16:47:00.000+02:00

Promoción do libro en galego e dotación de coleccións básicas

Comezou o seu envío ás bibliotecas no mes de setembro.

Pódese consultar a listaxe de bibliotecas e a orde de preferencia no reparto. Como curiosidade esta vez os rexistros destes documentos xa están catalogados e poden ser descarregados desde a base disposta na web da rede de bibliotecas.

Letras Vivas

Programa de animación á lectura para bibliotecas e outras entidades. Importante: a aceptación das bases hai que remitila á Xunta antes do 15 de novembro. O programa pretende pór en contacto aos usuarios cos creadores fomentando desta maneira a animación á lectura.

Como novidade esta vez a solicitude está máis clarificada e pode realizarse vía electrónica coas claves das que dispomos para a rede de bibliotecas.

Novas tecnoloxías

2007-10-15T10:19:00.000+02:00

A Conselleira de Cultura presenta no Parlamento o Plan de Lectura

2007-10-10T16:09:00.000+02:00

O Plan da Lectura é unha obriga que se deriva da Lei do Libro e da Lectura, que entrou en vigor a finais de xaneiro, para ordear este sector de grande importancia cultural e económica. Para elaborar o Plan, a Consellaría de Cultura mantivo un diálogo continuo con todas as partes implicadas. De feito, o Plan de Lectura debateuse e aprobouse na Mesa polo Libro, onde ademais das Consellarías de Cultura e de Educación, participan representantes dos principais actores do sector como son editores, libreiros, bibliotecarios, arquiveiros, documentalistas, tradutores e creadores.

Ver información publicada na web da Consellaría.

Bolsas de formación en biblioteconomía

2007-10-05T19:10:00.001+02:00

Copiamos a continuación o post publicado no blogue de Anabad-Galicia sobre a convocatoria de bolsas de formación en biblioteconomía.

Acaban de publicarse no DOG de hoxe (04/10/07) as bolsas de formación en biblioteconomía mediante a colaboración titoriada en diversos centros bibliotecarios.

Son trinta e unha plazas e un orzamento para o ano 2007, por un importe de vinte e seis mil trescentos cincuenta euros (26.350 €), e para o 2008, por un importe de douscentos oitenta e nove mil oitocentos cincuenta euros ( 289.850 €), ata acadar unha suma total de trescentos dezaseis mil douscentos euros (316.200 €), que queda condicionada á existencia de crédito adecuado e abondo para o seu financiamento.

1. Requisitos dos solicitantes:
-Titulación universitaria de diplomatura en biblioteconomía e documentación, ou licenciatura en biblioteconomía, documentación, historia, filoloxía ou humanidades.
-Non percibir outra bolsa ou contrato remunerado durante o período de duración das reguladas por medio desta orde.
-Non se beneficiar anteriormente durante un período superior aos 12 meses destas mesmas bolsas, nin renunciar a elas sen unha causa de forza maior, ao xuízo da Dirección Xeral de Creación e Difusión Cultural, logo de iniciado o período de vixencia.

Grupo de Traballo para a Formación dun Colexio Profesional

2007-10-03T12:27:00.000+02:00

Na Terceira Xuntanza de bibliotecarios municipais constituiuse un grupo de traballo para analizar a posibilidade de dar pasos cara crear un Colexio Profesional de Bibliotecarios, Documentalistas e Arquiveiros.

O pasado 24 de setembro celebramos a nosa primeira reunión en Meicende-Arteixo.

Polo de agora fomos xuntando e estudando documentación doutros colexios profesionais de bibliotecarios doutras nacionalidades e comunidades. En Cataluña levan bastantes anos constituidos, en Valencia constituíronse recentemente, e en Murcia presentaron a proposta de constitución, que foi rexeitada e están preparando recurso.

Tamén miramos a Lei 11/2001, do 18 de setembro, de colexios profesionais da Comunidade Autónoma de Galicia (DOG núm. 189 do 28 de setembro de 2001).

Estamos intentando poñernos en contacto con profesores e ex-alumnos da Diplomatura de Biblioteconomia e Documentacion de Ferrol, pois hai uns meses tamén estiveron mirando este asunto.

Contactaremos coa Xunta de Galicia para sondear a súa opinión ao respecto.

Aceptamos suxerencias. O grupo esta aberto a quen se queira incorporar e se alguén o desexa podemos enviarlle a documentacion sobre a que estamos traballando.

Saúdos
Marta Alonso (Sagrada Familia-A Coruña)
Juan Garcia (Meicende-Arteixo)
Anxo Campos (Boiro)

1ª reunión Grupo de Traballo integrado no Servizo de Información Selectiva (SIS)

2007-09-28T10:29:00.000+02:00

O pasado luns 24 de setembro tivo lugar na sede da EGAP a 1ª reunión do grupo de selección.
Na reunión participaron 13 persoas, representantes das bibliotecas nodais, das deputacións, do CSBG e das bibliotecas municipais. Os puntos que se trataron na mesma foron os seguintes:

Presentación dos participantes na reunión e exposición de como fai cada biblioteca a selección.
O grupo de selección do CSBG expuxo os seus métodos de selección para a elaboración dos boletíns trimestrais de novidades (ver na páxina www.rbgalicia.org).
Debate sobre os boletíns elaborados polo CSBG. Decídese manter a periodicidade trimestral e seguir facendo dous boletíns separados (adultos e infantil).
Rosario Crespo (CSBG) expón os métodos de traballo do grupo de selección do Ministerio de Cultura.
Debate sobre qué porcentaxe debe representar cada materia da CDU nos boletíns de novidades.
Fálase tamén da posible creación dunha ferramenta informática para poder compartir os rexistros da selección, empregando como modelo a do Ministerio de Cultura.
Establecemento de pautas de estilo para que as obras seleccionadas teñan o mesmo formato.
Pídese a cada participante na reunión que elixa unha temática para traballar e facer a selección. O prazo para repartir as temáticas é dunha semana. O obxectivo é que entre tod@s elaboremos os boletíns trimestrais.
Fíxase a data da próxima reunión para o 12 de novembro.

Os tres representantes do Grupo de bibliotecas municipais decidimos que nos gustaría facer a selección das obras de Infantil coñecemento. Unha vez coñezamos o reparto final comunicarémovolo.

Se desexades facer algún comentario ou aportación podedes contactar con calquera dos tres.

Santiago Eiris (Biblioteca de Ames)
María Lema (Biblioteca de Dumbría)
María José Vilasánchez (Biblioteca de Ortigueira)

Oposicións na Universidade de Santiago

2007-09-21T17:48:00.000+02:00

A Universidade de Santiago de Compostela convoca concurso-oposición para cubrir 25 prazas na escala auxiliar de arquivos, bibliotecas e museos.

O prazo de matrícula remata o 9 de outubro.

Convocatoria no DOG
Convocatoria no BOE

Aniversario da morte de Roald Dahl

2007-09-13T16:36:00.000+02:00

Desde Vieiros chéganos unha notícia sobre o aniversário da morte desde grande autor de literatura para todas as idades.

Ademais de prosa e poesía para nenos, este autor cultivou narrativa para adultos (incluíndo novela autobiográfica), teatro e guións cinematográficos e televisivos. Neste 13 de setembro, moitas editoriais e bibliotecas de todo o mundo celebran esta conmemoración.

Facédelle unha visita ao interesante artigo e ás ligazóns que nos propón:
- Roald Dahl official webside
- Roald Dahl Museum
- Roald Dahl Foundation
- Biografía de Roald Dahl

Biblioteca web 2.0

2007-09-13T16:22:00.000+02:00

A nosa compañeira Catuxa Seoane encóntrase en Peñaranda de Bracamonte, sede da Fundación Germán Sánchez Ruipérez, participando no curso Bibliotecas Municipales y Desarrollo Tecnológico sobre a biblioteca pública na web 2.0 ou internet social.

Desde alí achéganos unha interesante crónica sobre a ponencia de Alejandro Carrión, director da Biblioteca de Castilla y León.

En palabras de Carrión a Biblioteca 2.0 (B2) sería:
1) Un modelo de servizo bibliotecario
2) Unha filosofía de servizo
3) Non se basea exclusivamente na tecnoloxía
4) Unha actitude cara os usuarios

Curiosidades e fotos de Bibliotecas

2007-09-12T18:32:00.000+02:00

O Blogue Curiose Expeditions editou un post con fotos de bibliotecas históricas moi interesantes.

Para mostra esta da Biblioteca do Palácio Nacional da Ajuda em Lisboa.

Novo grupo de traballo de Selección da Información

2007-09-11T17:19:00.000+02:00

Como recordaredes o pasado 12 de febreiro desde o Servizo do Libro e Bibliotecas da Xunta solicitaban do Grupo de Traballo de Bibliotecas Municipais que propuxésemos tres persoas para formar parte dun grupo de traballo de Desenvolvemento do Colección.

Procedeuse a escoller estas persoas, mediante votación, resultando eleitas:
María José Vilasánchez Fuciños (Biblioteca de Ortigueira)
María Lema (Biblioteca de Dumbría)
Santiago Eirís Pombo (Biblioteca de Ames)

Estas persoas acaban de ser convocadas á primeira reunión deste grupo que se celebrará o 24 de setembro no Centro Superior Bibliográfico de Galicia.

Informarán posteriormente desta primeira reunión.

Publicadas as axudas 2007 de cofinanciamento da Xunta

2007-09-10T20:46:00.000+02:00

Na web da Rede de Bibliotecas de Galicia saen publicadas as axudas de cofinanciamento cos concellos:
Cofinanciamento para adquisicións e Programa de dotación de Mobiliario.

Grupos de traballo de Bibliotecas Municipais

2007-09-07T10:01:00.000+02:00

Estes son os grupos de traballo e as persoas que forman parte dos mesmos.

Queremos recordarvos que os grupos de traballo están abertos permanentemente, e que calquer persoa das bibliotecas municipais galegas que o desexe, pode solicitar formar parte daquel do seu interese.

GRUPO DE TRABALLO DE BIBLIOTECAS MUNICIPAIS 2007-2008

Coordenadores xerais

· Mª José Villar Fernández (Biblioteca de Chapela/Redondela)
· Xoán Manuel Pérez Lijó (Biblioteca de Ames)

Grupos de Traballo:

Colexio Profesional:
· Anxo Campos (Biblioteca de Boiro)
· Marta Alonso (Biblioteca Sagrada Familia/Municipais da Coruña)
· Juan García Figueiras (Biblioteca de Meicende/Arteixo)

Difusión do Grupo e colaboración con bibliotecas:
· Mónica Carballo (Biblioteca do Saviñao)
· Sonia Iglesias (Biblioteca de Fene)

Formación do persoal das Bibliotecas:
· Coordenadora: María José Vilasánchez Fuciños (Biblioteca de Ortigueira)
· Mónica Pérez Armada(Biblioteca de Ortigueira)
· María Lema (Biblioteca de Dumbría)
· Rosa Mª Barreiro Novas (Biblioteca de Caldas)
· Mª José Villar Fernández (Biblioteca de Chapela/Redondela)

Perfil profesional do persoal das Bibliotecas:
· Coordenador: José Luís Alonso Torreiro (Biblioteca de Arteixo)
· Nieves Cives Estévez (Biblioteca de Santa Comba)
· María Luz Corral Uzal (Biblioteca de Oleiros)
· Ángeles Roca López (Biblioteca de Cambre)
· María Jesús Álvarez Sánchez (Biblioteca de Foz)
· María Pena Álvarez (Biblioteca de Sada)

Extensión Bibliotecaria:
· Coordenador: Anxo Alberte Gil (Biblioteca de Baiona)
· Mónica Carballo (Biblioteca do Saviñao)
· Anayansi Expósito Singh (Biblioteca de Rois)
· Sofía Carou Ces (Biblioteca de Rianxo)
· Chus Teijo Gómez (Biblioteca de Montealto: Municipais da Coruña)

Documento cos datos completos dos grupos de traballo.

Blogue das Biblioteca Municipais de Galicia

2007-08-03T12:59:00.000+02:00

Con este medio de comunicación queremos contribuir a mellorar a comunicación e as relacións entre as bibliotecas municipais galegas.

Neste espazo pretendemos ir engadindo noticias de interese para as bibliotecas e os traballadores e traballadoras das mesmas, así como contribuír ao coñecemento das persoas que traballamos nas bibliotecas, informar de iniciativas que xurdan desde as bibliotecas e mellorar a comunicación entre nós.

Ao mesmo tempo queremos estar abertos a iniciativas, experiencias e información doutros lugares, de maneira que poidan contribuír a mellorar a nosa formación e experiencia.

Estamos tamén abertos a iniciativas, experiencias e noticias de interese xeral que sexan realizadas por calquera biblioteca galega, polo que podedes enviar información para ser publicada por este medio a bpmunicipais@gmail.com

Reunión de Bibliotecas Municipais

2007-08-03T12:23:00.000+02:00

O pasado 1 de Xullo celebrouse a terceira Reunión de traballadoras e traballadores das bibliotecas municipais na Biblioteca do CGAC (Centro de Arte Contemporánea de Galicia) en Santiago de Compostela.

Na reunión participamos 36 persoas de 30 bibliotecas de Galicia.

A xuntanza, que trancorreu nun ambiente moi distendido e produtivo, tratou varios temas, e as conclusións das mesmas facémosvolas chegar a través desta publicación.

A orde do día foi enviada a todas as bibliotecas. Reproducímola a continuación por se alguén aínda non tivo a oportunidade de a ver.

1.- Organización interna:
- Datas das reunións
- Elección e/ou revocación de representantes
- Regulamento de funcionamento

2.- Grupos de traballo
- Avaliación do traballo dos grupos existentes
- Continuación do grupo de traballo de extensión bibliotecaria cos Circuítos Culturais
- Creación de novos grupos de traballo

3.- Implicación doutras entidades na mellora das bibliotecas:
- Institucións
- Congreso/xornadas de bibliotecas

4.- Outros:
- Ocenet
- Estatísticas

Para consultar as actas da terceira reunión pódese descarregar o documento completo.

Para ver as fotos da reunión pódese ir a esta ligazón.

Heavy Bibliotecario

2007-07-01T20:12:00.000+02:00

Para ir abrindo boca aqui vai un video do Youtube con humor bibliotecario. Un pouco de psicoloxía "heavy" non nos viría mal ;-)